今晚
看到一個很用心的SHOW
看到一班很有HEART的香港歌手
看到一個純由音樂出發的音樂會
六位歌手，圍繞回憶十年，及迎接下一個十年這主題，
互唱或合唱其餘歌手的歌，我個人偏愛，若Edmond今晚也在台上便好了。
他們兩晚通宵排舞，曾下過的苦功，你是看得到的，
讓我這樣形容今晚的精彩度好嗎，就是每位歌手，每唱完一首歌，
台下觀眾都會有強烈的掌聲回應，我‧從‧未‧曾‧在其他show見過這種情況!!
而我，一定會比較偏心陳生的啦，他今晚有完美的「時代巨輪」，
和阿詩合唱「勞斯萊斯」，與祖兒的「美中不足」也不錯，
最驚訝是他唱了「第二最愛」「花灑」，想不到他唱基仔的歌，會這麼的動聽!!
令我最touching的，
除了回憶羅文 / 林振強 / 哥哥 / 阿梅 / 沾叔那段外，
便是安仔的「活在當下」、「一步一生」這兩首歌，可能主題氣氛關係吧，
而最殺人不賠命的，就是三位男歌手合唱「追」，連陳生也唱追 >~<"
其實所有演出部份都很精彩，希望會出碟將它紀錄下來，
像基仔說：「我相信觀眾今晚聽得很感動，其實我們在台上唱時，都覺得很感動。」
之後，陳生便說有沒有人為我們影張相? 記者們立刻舉起相機，合照中的他們 ：
( source : hocc forum)
經歷十年，今時今日，還能站在舞台上，不用爭名逐利，
只為齊心合力，完成一場show，是多麼難得的機會，
因大家心知，下一個十年，不知還有誰能留在這個戰場.....
最後，由神秘驚喜嘉賓〝林憶蓮〞唱出這歌，寫下完美的句號或是開引號....「願」 最尾一幕....還未閉幕....當結局未揭穿.......
========== 這晚真是台上台下每人都很感動 ==========
時間流逝的作用，就是要人經歷過，令回憶變為珍惜，亦令人有反思為將來作準備的空間。
> 1/6 by 容祖兒
感動的演出，可一望可再 by 何韻詩 (轉自: 何cc的blog )
呢個演出，好窩心。
大家都很用心，雖然準備時間少之又少，兩日內要將所有項目排好，
舞geh部份更加係要大家每晚留到凌晨四點先放學，但我無聽到任何一個抱怨
或者喊辛苦，個個響嚴重唔夠訓geh情況底下落足心機去記去練......個感覺有d
似回到學校時代，大家無分你我一齊努力去做好同一件事。
更加geh奇妙係，大家經過呢個演出之後，好似變晒兄弟姐妹o甘，你會關心我，
我又會照顧下你，拒買野食又會預埋你，個個凌晨兩三點累到發呆geh時候會有
人打功夫引大家發笑，排完會send sms互相鼓勵講聲我愛你們，做show途中會因
為你唱得好好而高興，亦會因為當中有人傷心而陪你一齊感觸落淚.......
香港歌手從來比人覺係一盤散沙，唱片公司各自為錢為獎爭呢爭路，
呢幾日，我地引證o左，原來香港歌手係可以團結起來geh。
唔係為討好邊個，唔係為令自己突出，而係單純地希望一齊做好呢一個演出。
其實我地細細個就已經學識‘團結就是力量’，但人長大o左往往會比好多其他事
物影響o左視線焦點。各自希望自己比較好比較成功，最後各走各方向力量分散亂七八糟。
但其實道理好簡單，只要大家集中力量，將我地geh地方變好，環境變好，就自然大伙兒
都會一齊變得閃亮起來。尋晚個show能夠同以往o甘唔同能夠感到到我地感動到你地，都
係因為有呢種精神，好希望呢種精神有一日能夠蔓延到整個香港樂壇。
係有點天真，不過並不代表無可能，就由我地歌手自己做起啦.
還有.....
能夠企響你地五位精英身邊成為其中一份子，我真心地覺得非常榮幸，多謝你地。
完騷了，有點捨不得....
希望唔洗十年後就再見。
留言列表
